|
 |
 |
| Poesie | ||
|
ORO INCENSO E MIRA
Signore, mi no vegno da l'Oriente come i Magi, portando dei tesori, ma vegno pa’ adorarTe come lori anca se i me regali no val gnente. La mira che Te porto ga el profumo che ghea ‘l Nadale de 'a me verde età l'amaro del tenpo consumà in robe che se sperde come fumo. Sto scartoseto de oro che go in gaja i xe i talenti che dovea dar fruto, mi, distrata, go perso cuasi tuto scanbiando l'oro al preso de la paja. Ma l'incenso, Signore, almanco cuelo, lo go tegnù par Ti, par Ti soltanto stanote ghi'n vojo brusar tanto da inpienar de profumo tera e celo. Starò in zenocio drento a la capana confusa in meso a tuta l’altra gente par dirte grasie, grasie solamente e cantare coi Angeli l'Osana. Leda Ceresara Rossi
 Filastrocca San Martino In ricordo alla generosità del Santo, ancora oggi a Venezia i ragazzini l’11 novembre girano per le botteghe con pentole e coperchi battuti con mestoli di legno, per chiedere qualcosa in dono. Di solito in gruppetti di due, tre bambini entrano nel negozio cantando una filastrocca che si adattava alla situazione e finiva in un ringraziamento se l’esito era stato positivo, oppure in una divertente ed innocente maledizione se non era stato donato nulla. San Martìn xe ndà in sofita
A trovar la so novisa La so novisa no ge jera El xe cascà co el culo par tera El sa meso on boletìn Viva, viva San Martìn Oh ke odori de pignata Se magnè bon pro ve fasa, Se ne dé de el bon vin Canteremo San Martìn San Martìn el ne ga manda cua Parkè ne fe la carità Anca lu, co el ge naveva Carità ge ne faseva Ste tenti ke semo tanti E fame gavemo tuti cuanti Ste tenti a no darne poco Parkè sino stemo cua un toco E co cuesto la ringrasiemo De el bon anemo e de el bon cuor Un altro ano ritornaremo Se ge piaxe al bon Signor E col nostro saketìn Viva, viva San Martìn Tanti ciodi ge xe in sta porta Tanti diaoli ke ve porta Tanti ciodi ge xe in sto muro Tanti brusiki ve vegna sul culo  Quando Dio lexerà nel gran libro,
E nei nostri libreti, Quel, che par esser fati a so imagine, E prixonieri del tempo, Se gà vùo da penar, Dio, tuti, el ne graziarà. Co se gera soldai dentro in trincea, O a riposo o marciando o a l’ospeal, E i compagni più veci ne diceva, E parlaseli pur del so paese, Dei campi e del lavoro lasài là, Una storia d’amor, Gerimo in tanti a no’ saver ancora Quel che fuse una dona, e se ascoltava, Se inventavamo un nome, e se moriva, (Se imparava a morir…) Ancuo lexendo, come i fuse vivi, In Giacomo, in Francesco, in Dante e in altri Cari poeti, o nostrani o foresti, Me xè vignùo un pensier: Che noialtri se sia come i coscriti In una guera granda, e che i poeti Sia come quei soldai che ne dixeva, E parlaseli pur del so paese, Dei campi e dei lavori lasài là, Una storia d’amor. Giacomo Noventa
A Chioggia non c'é che pescatori. "No' sù teriero, ma sù pescaore. E la mia vita me la passo in mare": cosi canta baldanzonamente il popolo dei 'paroni ' quando è di buon umore. E così prega prima di issar le vele dei bragozzi raccolti a centinaia nel canal di Vigo: Madona de marina, Madre Santa,  SAN MARCO! SAN MARCO!
San Marco! San Marco! - Che nome! Che santo!
che nota de musica! - che aria de canto! che sigo de giubilo! - che magico dì! che giorno, Venezia, - che festa per ti! San Marco! San Marco! - E miłe bandiere za sventoła e sbamboła - da çento gałere; nel çieło de porpora - su l'aqua verdon, tra l'oro ti sfolgori - o vecio Leon! San Marco! San Marco! - E ogni contrada se svegia, se sùssita - de fede infiamada, se arma in t'un atimo - l'intera çità, domanda el to popoło - la so łibertà! San Marco! San Marco! - E un son de campane, viçine e petegołe - più serie e łontane, se spande per l'aria - va in ogni canton e ti ti łe domini - col to Campanon! San Marco! San Marco! - E in alto va un coro, in Ciesa, i mosaici - i piove zo l'oro, i soni de l'organo - va i cuori a tocar, se impissa łe anome - davanti al to Altar! San Marco! San Marco! - E introna ła piazza de tiri, de musiche - de zente che ciazza; se sfanta łe nuvołe - al ragio d'April e slusega l'anzoło - sul to Campanil! San Marco San Marco! - E zozo dai piombi, da gorne, da statue - se cała i cołombi, atorno svołandone - ałegri che par ti gabi dà l'ordine - de tuti basar! San Marco! San Marco! - E vedo una bea graziosa, simpatica - e cara putea che a un toso giurandoghe - eterno el so ben, tremando, eł to bocoło - se ponta nel sen ... San Marco! San Marco! - Xe qua ła to Storia, de Arte miracoło - prodigio de Gloria, onor de Venezia - conforto del cuor, imagine, simboło - de Pase e d'Amor. Domenico Varagnolo. 
|